Ош облысы Қарасу ауданы Шарқ ауылында 1 қыркүйекте жаңа оқу жылы шатыр астында басталды. Бұл ауылдың мектебі маусым айында ұлтаралық қақтығыстар барысында қиратылған болатын. Енді міне жүздеген бүлдіршін бірінші класын брезент шатыр астында бастады. Бұл мектепте қырғыз және өзбек балалары қатар оқиды.

Тамыздың 31-і Ресей астанасында ел конституциясының 31-ші бабының орындалуын талап еткен ірі митинг өтті. Жиынға қатысқандар әлгі бап бойынша бас қосу хақы бар екенін айтып ашық пікір білдіріп жатты. Милиция іс-шараға қатысқан оншақты адамды қамауға алды.

Қырғызстанның тәуелсіздік мейрамы қарапайым аталып өтті. Бұл күні Бішкектегі ахуал тыңыш болып, даңғазалыққа жол берілмеді. Президент Роза Отынбаева Қырғызстанның оңтүстігіндегі жанжалдың салдарынан қаза болғандар туралы айтқанда, көз жасын тия алмады. Бішкек, 31 тамыз 2010 жыл.

1960-шы жылдардың басында совет ғалымдары Бейбіт атом жобасын ұсынды. Жоба ядролық жарылыс қуатымен каналдар, жасанды көлдер жасау арқылы өндірісті, шаруашылықтарды жарамды сумен қамту мақсатын көздеген.

Ораза кезінде әрбір тәжік отбасы нишалда деп аталатын тәттімен ауыз ашады. Тәжіктің тіл үйірген тәтті тағамын жасау үшін қантты суда қайнатып, оған жұмыртқаның ағын, лимон шырынын, нишалда өсімдігінің тамырын, ванила мен анис қосады. Нишалдамен ауыз бекітіп, ауыз ашса адам күні бойы сергек жүреді деп сенеді тәжіктер.

29 тамыз күні Семей полигонында ең алғашқы ядролық қарудың сыналғанына 60 жыл толады. Ядролық сынақтар 40 жыл бойы жалғасып отырды. Осы күнге орай Азаттық радиосының тілшілері Семей өңіріне барып қайтты. Курчатов, 27 тамыз 2009 жыл.

Полиция журналистерді қамауға алды. Олар сот ғимараты ішінде ұсталған журналистерді Алматы қаласы Алмалы аудандық ішкі істер басқармасына алып келді. Алматы, 26 тамыз 2010 жыл.

Алмалы аудандық сотында сот мәжілісіне қатыспақшы болған журналистер ауданның полиция басқармасынан бір-ақ шықты. Онда олар екі сағаттан аса бөгелді. Алматы, 26 тамыз 2010 жыл.

Алматының Жібек жолы даңғылы бойында қоқыстан жасалған бұйымдар көрмесі ашылды. 21 тамыз 2010 жыл.

Химки орманын қорғауға арналған митинг-концертке қатысқандар "Путин орнынан кетсін!", "Айналма жол салынсын" деп айғайлады. Химки орманын қорғаушылар жаңадан жол салу үшін ағашты отауға қарсы шығып жатыр. Мәскеу, 22 тамыз 2010 жыл.