Accessibility links

БҰҰ-ның балалар құқы жөніндегі комитетінде Қазақстанның баяндамасы алғаш рет тыңдалды


Маусымның 6-ы күні Швейцария астанасы Женева қаласында БҰҰ-ның балалар құқы жөніндегі комитетінің 33-ші сессиясы шеңберінде Қазақстанның алғашқы баяндамасы тыңдалған болатын.

Осы жиынға Қазақстаннан қатысқан ресми делегацияның мүшелері маусымның 26-ы күні Астанада арнайы баспасөз мәслихатын өткізді.

Қазақстандық делегация құрамында Женевада болып қайтқан Қазақстанның адам құқықтары жөніндегі уәкілі Болат Байқадамов мырзаның айтуынша, БҰҰ-ң комитеті Қазақстан үкіметінің жұмысына оң баға беруімен бірге, осы салаға байланысты қабылданған заңдарды жүзеге асыруға бөлінген қаражаттың шектеулі болып отырғанына назар аударған. Сонымен бірге халықаралық ұйым Қазақстан өз тәуелсіздігіне қол жеткізгеннен бергі өткен мерзім ішінде елде қалыптасып отырған әлеуметтік- экономикалық және саяси проблемалардың күрделі жағдайда екенін, соның салдарынан республикада өмір сүру деңгейінің төмендеп, тұрғындар арасында жұмыссыздық пен кедейлік деңгейі өсіп отырғанын атап көрсеткен.

Балалар құқықтары туралы халықаралық Конвенцияны Қазақстан Республикасы 1994 жылы бекіткен болатын. Содан бері осы салаға байланысты Қазақстанның әзірлеген баяндамасы БҰҰ-ның комитетінде биыл алғаш рет тыңдалып отыр.
  • 16x9 Image

    Кенжебек НҰРҚАСЕНҰЛЫ

    Кенжебек Нұрқасенұлы - 1967 жылы туған. Семей мемлекеттік университетін тәмамдаған.
    Семейдегі «ТВК-6» телеарнасында, «СолDAT» газетінде, «Қазақ тарихы» журналында жұмыс істеген. Азаттық радиосында 2001 жылдан бері еңбек етеді. 

XS
SM
MD
LG