Accessibility links

Қасымжомарт Тоқаев Кофи Аннанмен кездесті.


Қазақстанның сыртқы істер министрі Қ.Тоқаев Біріккен Ұлттар Ұйымының Бас хатшысы Кофи Аннанмен кездесті.

Қазақстан Республикасының сыртқы істер министрі Қасымжомарт Тоқаев Біріккен Ұлттар Ұйымының Нью-Йорк қаласындағы штаб-пәтерінде осы халықаралық ұйымның бас хатшысы Кофи Аннанмен кездескен. Бұл туралы бейсенбі күні радиомызға телефон арқылы берген сұхбатында Қазақстанның сыртқы істер мекемесінің ақпарат және талдау басқармасының қызметкері Айнұр Кәрібозова хабарлады:

- Кездесу кезінде БҰҰ-ның қызметінің басты бағыттары, халықаралық қауымдастық алдында тұрған проблемаларды шешудегі мәселелер, сонымен қатар БҰҰ мен Қазақстан арасындағы ынтымақтастықты нығайту мәселелері, БҰҰ-ның 47-сессиясында Қазақстан тарапынан Орталық Азиядағы сенім шаралары кеңесінің даму барысы талқыланды. Сондай-ақ, осы Нью-Йоркте Қ.Тоқаев мырза Еуропадағы қауіпсіздік пен ынтымақтастық жөніндегі ұйымның Бас хатшысы Ян Кубишпен кездесті, - деді Айнұр Кәрібозова.
XS
SM
MD
LG