Accessibility links

Ресей құрамындағы Солтүстік Осетияның Моздок қаласындағы әскери емханадағы жарылыстың құрбандары 50-ге жетті.


Ресейдің Төтенше жағдайлар бойынша министірлінің өкілі Сергей Саловтың хабарлауынша, үйінділерді аршу барысында бүгін 6 адамның мәйіті табылған. Опат болған 12 адамның кім екендіктері әзірше анықталмаған, 64 жаралы емханаларда жатыр. Жарылыс болған жерде құтқару іздестіру жұмыстары аяқталды. Дүйсенбі тамыздың 4 күні Солтүстік Осетияда аза күні жарияланған. Моздокте болып қайтқан Ресей Қорғаныс министірі Сергей Иванов жағдайға былайша сипаттама берді:

“Мен сіздерге бірақ қана мысал келтіре аламын, барлық бұйрықтарға қарамастан, көліктерді тоқтатуға бағытталған тосқауыл емханада мүлде болмаған.”

Өз сөзін жалғастырып Иванов,

“Мен қызметтік тексерудің аяқталғанына шейін, 421-інші мото атқыштар полкның және Моздок әскери гарнизонының бастығын орнынан алу туралы шешім қабылдадым.”

"Интерфакс" агенттігінің бас әскери прокуратураға сілтеме жасап хабарлауынша емхана басшысы Артур Аракелян қамауға алынған.

AzattyqTV

Аудиоподкаст

XS
SM
MD
LG