НЬЮ-ЙОРК: Британ сыртқы істер министрі Джек Строның пікірінше, Бағдадтағы террористік қастандықтан кейін, БҰҰ-ы Ираққа байланысты әлдеқайда қатаң әрі ауқымды Қаулы қабылдауға міндетті. Ол осы ұсынысын бүгін БҰҰ-ының Қауіпсіздік Кеңесінің талдауына шығармақ. Адам құқықтары жөніндегі БҰҰ-ы мекемесінің бұрынғы жетекшісі Мэри Робинсон ханымның мәлімдеуінше, Ирақ астанасындағы қайғылы оқиға – елдегі ахуалдың ушыға түскенін айғақтайды. Сәрсенбі күні Ирақтың солтүстігіндегі Тикрит қаласының маңайында АҚШ-тың әскери керуені атқыланып, америкалық компанияда жұмыс істейтін бейбіт мамандықтың өкілі құрбан болды. 2 АҚШ жауынгері жарақат алды.
