БЕРЛИН: Атом энергиясы бойынша халықаралық агенттік – МАГАТЭ-нің жетекшісі Мухаммад әл-Баради Иранды оның ядролық кәсіпорындарын мұқият тексеруге рұқсат беретін келісімге мейлінше ертерек қол қоюға шақырды. Әл-Барадидің пікірінше, Иранның тексеруге толық ашылуы ғана оның ядролық бағдарламасының бейбіт мақсатты көздейтінін айғақтайды. Германия басшылығымен арадағы келіссөздерінің артынша Берлинде сөйлеген сөзінде МАГАТЭ басшысы Ирақ проблемасына да тоқталып өтіп, халықаралық инспекторлар ол елге қайтып оралуы керек деп мәлімдеді.
