Қазақстан президенті Нұрсұлтан Назарбаев пен Румыния президенті Ион Илиескудің кездесулері.

Бүгін Астанадан түскен хабарларға қарағанда, Қазақстан президенті Нұрсұлтан Назарбаев пен Астанаға ресми сапармен келген Румыния президенті Ион Илиеску Қазақстан мен Румыния елі арасындағы әріптестік пен ынтымақтастық декларациясына қол қойған. Румын президентімен кездесуден соң, Қазақстан президенті Н.Назарбаев Қазақстан Еуро Одаққа кіруге ниет танытып отырған жоқ, қайта Еуроазиялық одақ шеңберінде бірдей экономикалық кеңістік қалыптастыруға мүдделі- деп мәлімдеген. Ион Илиеску өз кезегінде қазақстандық кәсіпкерлерді румын іскер топтарымен ынтымақтастыққа шақырған.