ОПЕК мүшелері Ирақтың бұл ұйымға мүшелігі жөнінде екіге жарылып отыр.

Оның мәнісі- Ирақтың аралық өкіметі қолдауымен құрылған Кеңес мүшелері- ОПЕК-тің толық мүшесі ретінде басқосуға қатыса ала ма, жоқ па? деген сауалды талқылау. Венада өтіп жатқан жиын барысында Венесуеланың мұнай министрінің сөзіне қарағанда, кеше түнге дейін жалғасқан отырыста бұл жөнінде нақты шешім қабылданбаған. Кувейт мұнай министрінің пікірінше, Ирақ бұл ұйым отырысына толық мүше ретінде қатыса алады. Алайда, Венесуела жағы қарсы болуда. Ал, Ирақ делегациясы толық мүше ретінде қатысуға үміт артуда. Саддам Хусейн биліктен кетірілгелі бері Ирақ делегациясы алғаш рет осы ұйым отырысына қатысқалы отыр.