Accessibility links

Британия волонтерлері қызметіне байланысты семинар-конференция

  • Досан БАЙМОЛДА

Алматыда Британия волонтерлері қызметінің Қазақстандағы жұмысына байланысты семинар-конференция болып өтті.

Қыркүйектің 25 –і күні Алматыдағы Қазақстандағы Британия елшілігінің ұйымдастыруымен британиялық `VSO` - яғни волонтер – еріктілер қызметінің Қазақстанда істеген жұмысы және алдағы жоспары туралы семинар-конференция болып өтті.

Оған Қазақстандағы бірқатар елшіліктердің және халықаралық ұйымдардың өкілдері, сондай-ақ британиялық еріктілер қызметімен бірлесіп жұмыс істейтін Қазақстанның бірқатар қоғамдық және мемлекеттік ұйымдардың өкілдері және БАҚ - өкілдері қатысты.

Семинарды ашқан британиялық `VSO` қызметінің Қазақстандағы бағдарламасының директоры Шеймас Беннет өз сөзінде осы ұйымның Қазақстанда 1999 жылдан бері жұмыс істеп келе жатқандығын, негізгі мақсаты - кедейлікпен және қоғамдағы түрлі проблемалармен күресу екендігін айтты. Қазақстанда осы ұйымның 20 дай волонтер-еріктілері 5 облыста жұмыс істейді. Олар жергілікті әкімшілік және жергілікті бейресми ұйымдармен бірлесіп СПИД ауруына қарсы күрес бағдарламасын жүргізуде. Сондай-ақ экотуризм саласына да үлкен ден қойып отыр.

Волонтер-еріктілерге қаржыны Британия үкіметі береді. Бір волонтерге бір жылға шамамен 15 мың доллардың қаржысы жұмсалатын көрінеді.
XS
SM
MD
LG