“Әл-Арабия” телеарнасы Усама бин Ладиннің ең жақын үзеңгілесі Айман әз-Зауахиридің дауысына ұқсас үнмен айтылған мәлімдеменің жазбасын таратты.

ТАЯУ ШЫҒЫС: Жексенбі күні “Әл-Арабия” телеарнасы Усама бин Ладиннің ең жақын үзеңгілесі болып есептелетін Айман әз-Зауахиридің дауысына ұқсас үнмен айтылған мәлімдеменің жазбасын таратты. Айман әз-Зауахири – террористік “Әл-Қаида” тобындағы екінші басшы тұлға болып табылады. Әлгі таспаға жазылған дауыс пәкістандықтарды президент Первез Мушаррафты биліктен құлатып, ислам мен мұсылмандардың мүддесін қорғайтын үкіметті жасақтауға шақырады. Таспаға жазылған ол дауыстың түпнұсқаны екенін дәлелдейтін тәуелсіз айғақ әзірше жоқ.