БЕРЛИН: Таяу күндері Германияда мемлекеттік шығындарды қысқартудың бағдарламасы шағын кітапша болып жарыққа көрмек. Неміс канцлері Герхард Шредердің үкіметі ұсынған ол бағдарламаның қажеттігіне, үкімет қабылдайтын әлгі шараның алғашқыда қиындықтарға соқтыруына қарамастан, ақыр-соңында экономиканың нығаюына септігін тигізетініне халықтың көзін жеткізу үшін кітапша етіп шығармақ. Сыртқы пішіні бойынша әлгі кітапша сонау 60-ыншы жылдардағы Қытайда болған “мәдени төңкеріс” тұсында шыққан Мао Цзедун сөздерінің жинағына ұқсайтын көрінеді.
