ВАШИНГТОН: Дүйсенбі күні Вашингтонда дабыл бойынша әуеге көтерілген әскери жойғыш ұшақтар Ақ үйге жақын келген жеке меншік ұшақты жерге қондырды. Ол кезде АҚШ президенті Дж.Буш Вашингтонда болмады – ол оңтүстік штаттарда сапарда жүрді. Ақ үйдің өкілі Скотт МакКлилланның хабарлауынша, вице-президент Дик Чейни мен президент әкімшілігінің жетекшісі Эндрю Кард дереу қауіпсіз жерге жеткізілген. Қондырылған ұшақтың ұшқышы қазір тергелуде.
