Accessibility links

Британиялық ғарышты зерттеуші ғалымдар “Биглдің" Марс бетіне қонғанын еститіндігіне үмітті


Британияның АҚШ және Совет Одағынан кейін үшінші болып, өзге планетада өз ғарыш кемесін қондырған үшінші ел болатындығына үміті зор. Британияда құрастырылған Бигл-2-і Еуропаның қызыл планетаға аттандырған бірінші әрекеті, ол бейсенбі күні Марстың бетіне қонуы тиіс.

Қазір диаметрі 1 метрден кіші, салмағы 70 килограммнан кем капсула Марсқа сағатына 19 шақырым шапшаңдықпен ұшып барады. Егер бәрі жоспарлағандай болса онда бейсенбі күні британдықтар құрастырған ғарыш кемесі қызыл планетаның жартасты бөлігіне барып қонуы тиіс. Оның қонуын жеңілдету үшін арнайы камералар мен қалықтағыштар қарастырылған.

Ол натуралист Чарльз Дарвин жүзген кеме Биглдың құрметіне, Бигл-2 деп аталып, Еуропаның ғарыштық басқармашылығының Марсты зерттеу бойынша алғашқы қарлығашы. Бигл-2 Марсқа жету үшін 6 ай бойы 400 миллион шақырымды ұшып өтті. Еуропаның намысқой бағдарламасының мақсаты Марста қазіргі және өткен тіршілік нышандарын анықтау болып отыр.

Британияның Ұлттық ғарыш орталығының басшысы Колин Хикстың айтуынша:

"Біздің қазіргі кезеңде Бигл-2-імен байланысымыз жоқ. Ол бізге ешқандай белгі жібермейді. Бұл уақыт зығырданды қайнататын кезең болмақ. Бұл атмосферадан өту үшін жасалған. Оның жоғарғы температураға төтеп беретін қалқаны тамаша жұмыс жасауы тиіс. Оның қалықтағыштар тамаша ашылуы керек. Оның әуе қондырушылары ойдағыдай жұмыс жасауы тиіс. Бұл зақымданбай қону үшін қажет. Бұл оның күн тақтайшалары ашылуы үшін жасалған. Бұл қуат жинап оның батареяларына беріліп, олар өз кезегінде сигналды кері қарай жіберуі керек. Және бұл аталған нәрселер іске асырылмай біз ештеңке ести алмаймыз."

Хикстың айтуынша, Бигл-2-інің 90 пайызын британдықтар өздері құрастырған, бірақ кейбір Еуропалық елдердің де қол таңбасы бар. Британиялық Планетааралық Қоғамының басылымы "Спейс флайттың" сарашысы Клиф Симсонның айтуынша, Бигл-2 Марс орбитасынан оның картографиясын түсіреді. Ғарыш кемесі радар технологиясын пайдаланып жер асты сулары мен мұздарын іздейді, ал бұлар Шағырған жұлдызда бар екендігі аян. Бигл-2 Марс бетінде АҚШ-тық "Спирит" және "Оппортунити" зерттеу кемелеріне қосылады, - дейді Симсон. Марсқа қону оңай шаруа емес, жерден ұшырылған 32-зертеуші қондырғының тек 9-ы ойдағыдай іске асырылды,-дейді ол.

Симсонның пайымдауынша, болашақ 15 жылда зерттеулер күшейтіліп, ішінде ғарышкерлері бар кемелер Марсқа аттандырылуы мүмкін.

"Біз Британия күн жүйесіндегі планетаның бетіне өз қондырғысын қондыра білген үшінші ел болатындығын мақтаныш етеміз және біз бұны тойлай бастадық", - дейді Симсон.
XS
SM
MD
LG