КИЕВ: Еуропа Кеңесінің Парламенттік ассамблеясының жоғары лауазымды өкілі Ханне Северинсен ханымның мәлімдеуінше, Украинадағы конституциялық дағдарыс осы елдегі демократияға айтарлықтай қатер төндіруде. Ол конституцияға украин президентін жалпы сайлауда емес, парламенттегі дауыс беру арқылы сайлауға мүмкіндік беретін өзгерістер енгізу ұсынысын Украина басшылығымен талдамақшы. Оппозицияның пікірінше, әлгі ұсыныс елдегі демократияны әлсіретеді.
