Accessibility links

Өткен түнде Аджария аутономиялы республикасы астанасы Батумиде коменданттық сағат пен төтенше жағдай жарияланғандығына қарамай, 2 мыңдай адам шеруге шығып, Аджария елбасы Абашидзенің қызметтен кетуін талап еткен.


Ал Гүржістан през. М. Саакашвили сейсенбіде Аджариядағы полиция мен өзге де қарулы топтарды өз қару-жарағын тапсырып, Аджария жетекшілігінің бұйрығын орындамауға шақырған болатын. Өзінің теле -мәлімдемесінде Саакашвили Аджария басшысы Аслан Абашидзенің енгізген төтенше жағдайы заңды күшке ие емес деген.

"Аджариядағы қарулы бөлімшелердің және Аджария полиция күштерінің барлық мүшелеріне айтарым - мен елді жазалау бойынша және мемлекеттік төтенше жағдай жөніндегі Аслан Абашидзенің бірде-бір бұйрығын орындамауға бұйрық беремін. Ол мемлекеттік төтенше жағдай - заңсыз, сондықтан барлық полиция қызметкерлерін ол бұйрықты орындамауға шақырамын,"- деген президент Саакашвили. Сондай-ақ, М.Саакашвили Аслан Абашидземен ешқандай келіссөздерге бармайтындығын айтқан. Сейсенбі күні Аджария әкімшілігі Батумидегі оппозициялық қауымның наразылық шеруін күшпен таратқан кезде ондаған адам жарақат алған болатын.

AzattyqTV

Ресей мен Беларусь

Жұрт неге наразы?

XS
SM
MD
LG