Accessibility links

Ташкентте маусымның 16-17 сі күндері өткен Шанхай ынтымақтастық ұйымына мүше мемелекеттердің басшыларының кездесуінің қортындысы бойынша 10 түрлі құжатқа қол қойылған


Ең маңызды құжаттың бірі Ташкент декларациясына қол қойылды. Өзбекстан президент Ислам Кәрімовтың айтуынша бұл құжат « ШЫҰ на мүше мемелекеттердің аймақтағы және жалпы дүниежүзіндегі тұрақтылық пен қауіпсіздікті қамтамасыз етуге деген ұмтылысын» паш етеді. Шанхай ынтымақтастық ұйымы тероризммен күресті өзінің басты мақсаттарының бірі етіп қойды. Осыған байланысты Қазақстан президенті Нұрсұлтан Назарбаев терроризм мен экстремизмге қарсы БҰҰ мен Еуропадағы қауіпсіздік және ынтымақтастық ұйымы секілді халықаралық ұйымдар тарапынан ШЫҰ мен бірлесіп күресуге мүдделіктің бар екендігін мәлімдеді.

Ташкентте, ұйымның аймақтық антитеррорлық құрылымының атқару комитетінің ашылу салтанаты болып өтті. Бұл атқару комитеті халықаралық тероршыл ұйымдар, олардың құрылымдары, қаржыландырылатын көздері мен жетекшілері, заңсыз есірткі саудасы туралы дерек мәліметтер жинау жұмысымен айналысады.

Қазақстандық сарапшы Камал Бұрқанов тероризмге қарсы күресуде ШЫҰйымы бір өзі ешбір нәтижеге қол жеткізе алмайды, бұл қауіпке бүкіл әлем болып күрескен жөн деген пікір айтты. Ал сарапшы Досым Сатпаев болса Ресей ШЫҰйымын Орталық Азия аймағының қауіпсіздігін қорғайтын ұйым ретінде көргісі келсе Қытай осы ұйым арқылы өзінің экономикалық жоспарларын орындауды мақсат етіп отыр деген пікір білдірді.

Алайда сарапшылар Шанхай ынтымақтастық ұйымын халқаралық ұйымдар енді енді танып мойындай бастады дегенмен өз арпаларында келісіп отыр. Осы жолғы Ташкент бас қосуында Моңғолияға Шанхай ынтымақтастық ұйымына бақылаушы болу мәртебесін беру туралы шешім қабылданды.
XS
SM
MD
LG