Accessibility links

26- шы маусым - Дүниежүзілік нашақорлықпен есірткілердің заңсыз айналымымен күрес күні.


Қазақстан Республикасы Денсаулық сақтау министрлігінің психотерапия және наркология , Республикалық психиатриялық ғылыми- тәжірбиелік орталықтарының деректері бойынша республика наркологиялық мекемелерінің есебінде 46 мың 940 адам тұр.

Салауатты өмір салтын қалыптастыру проблемаларының ұлттық орталығының бас директорының міндетін атқарушы Қазбек Түлебаевтың айтуынша бұл тек қана ресми тіркелгендер, ал шындап келгенде олардың саны бірнеше есе көп.Мамандар зерттеулері бойынша бүгінде есірткіге тәуелділер саны 200 мыңға жуық. Жыл өте нашақорлық жастар арасында кең тарауда. Қазбек Түлебаев есірткіге тәуелді адамдарды емдейтін, Дүниежүзінде бірнеше жолы бар дейді.Біріншісі, шекарадан есірткінің кез- келген түрін өткізбеу, есірткі сатушыларға жол бермеу.Екіншісі, жастармен жұмыс, « жастар есірткіге жоқ» деп айтуы тиіс.Үшінші жолы, есірткіге тәуелді адамдардың емдеуін дұрыс жолға қою керек.

Есірткінің және оның қандай түрі де болмасын адамға зиян екенін біле тұра, әдетте жастар оның желің түрінің бірі нашаны шегіп көретінін айтады. «Тин Челлиндж Қазақстан» қайырымдылық қоғамдық қорының директорының орынбасары Ким Чанси !бүгінде балаларымыздың есірткіге тәуелді болмайтынына ешкім кепілдік бере алмайды. Қазіргі таңдағы нашақорлар жасы жасарып барады. Бізде тіркеуде 8 жасар ұл бала бар дегенді айтып атыр. «Ақ ниет» емделу және алдын алу орталығының директоры Айжан Садықованың айтуынша нашақорлықпен күресуде бұқаралық ақпарат құралдарының таратып жатқан ақпараты маңызды рөл атқарады. Оның пікірінше берілген ақпаратта нашақордың есірткіні қолданып жатқан сәтін емес оның неге әкеліп соғатынын көрсету қажет.Содан кейін одан арылу жолдарын айтып кеткен жөн.

Ал Павлодар қаласындағы Республикалық ғылыми-әдістемелік орталықтың басшысы Жібек Жолдасова, есірткінің алдын алу жұмыстары мектеп қабырғасынан басталу керек дегенді айтып отыр. Жібек жолдасованың пікірінше есірткінің зияны, оның соңы неге әкеліп соғатыны жөнінде филмдер түсіріп, оны арнайы мектеп бағдарламасына енгізу қажет.
  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

XS
SM
MD
LG