Тұтқынға түскен британиялық сегіз теңізші бүгін бостандыққа шығарылмақшы.

Бұл жөнінде Иран сыртқы істер министрі Камал Харази мәлімдеді. Қателесіп, Шат әл-Арабтағы Иранның шекаралық суларына өтіп кеткен сол сегіз теңізшіні қайықтарымен қоса Иран тарапының дүйсенбі күні тұтқындағаны белгілі. Кеше Иран мемлекеттік теледидары арқылы сол сегіздік өкілдері өздерінің қателік жібергендіктерін айта келіп, кешірім сұраған болатын.