АҚШ президенті Дж.Буш басқа елдер туралы ақпараттың жетіспейтіндігін мойындады. Кеше АҚШ-тың Теннеси штатында сөйлеген сөзінде ол өз әкімшілігінің халықаралық лаңкестікке қарсы күресу үшін қосымша ақпарат көздерін қарастыратынын мәлімдеді: “Бүкіл жер шарын қамту үшін біздің ұлтымыз қосымша ақпарат көздеріне аса мұқтаж. Қауіпсіздікті қамтамасыз ету үшін біз ең үздік технологиямен қарулануымыз керек. Біз барлау қызметтерінің ішіндегі ең үздік қызметке ие болуымыз қажет. АҚШ азаматтарын қорғау үшін мен де, Конгресс те ақпаратқа зәру болып отыр”, -деп мәлімдеді.
