Accessibility links

Шииттердің радикалды көсемі Мұхтада ас-Садр өзін ұстап алған жағдайда не болмаса қаза тапқан күнде милициясына күресті жалғастыра беруді тапсырған


Оның көмекшісі шейх Ахмед әл-Шайбани кеше Нажаф қаласында Мұхтада ас-Садрдың мәлімдемесін оқыған:

-Мен, Мұхтада ас-Садр, егер мен қолға түссем де, қаза тапсам да сендердің күресе берулеріңді қалаймын,-делінген онда. Нажаф қаласындағы қақтығыстардың жетінші күні американдық әскерлер мен Ирақ күштері милиция бекінген тұсқа қорытынды соққы беруге әзірленіп жатқандықтарын айтқан.

Кеше Басра қаласында Мұхтада ас-Садрдың жақтастары егер АҚШ бастаған күштер басты шабуылға шығатын болса, қаланың инфрақұрылымы мен мұнайқұбырларын жарамыз деп қорқытқан болатын. Көршілес Иранда рухани көсем Аятолла Хаменей Aмерика исламның қасиетті орындарының бірінде қан төгіп жатса, мұсылмандар оған қарап тұрмайтын болады деп айтқан.
XS
SM
MD
LG