Accessibility links

Нұрсұлтан Назарбаев: Терpоршылдыққа қарсы күрес туралы заңдарды қатайту қажет


Парламенттің алтыншы сессиясының ашылуында сөйлеген сөзінде Қазақстан Басшысы Нұрсұлтан Назарбаев террорлық қауіп біздің аймақта да өсіп отыр деп мәлімдеген болатын. 1999 жылдан кейін биыл бірінші рет көршілес Өзбекстанда террорлық топтар жанданды. Осы жылдың көктемі мен жазында Бұхара, Ташкентте бірқатар террорлық әрекеттер болды. Мәскеу террорлық акітінің нысанына айналуда. Үйлердің жарылысы, кепілдікке алу бұл тізімді бүгінгі күні жалғастыра беруге болады деп айта келе, қазіргі күнгі үлкен халықаралық жанжалдардың көбісінің әлеуметтік-экономикалық мәселеден шығып жатқанын айтқан еді.

Мемлекет Басшысы Нұрсұлтан Назарбаев заңсыз қызмет, «Хизб-Ут -Тахрир» діни саяси партиясы ашық түрге көшті, халықаралық экстермистік күштер конституциялық құрылымды өзгерту, Орталық Азияда ислам халифатын құру туралы ойдан арылмай отыр деп мәлімдеген болатын.

Президент 2003 жылы елдің оңтүстігінен бұл ұйымның 1000 –ға жуық, ал, биылғы жылы 11 мың парақша алынды. Біз әлі күнге дейін экстремизмге қарсы заңды қабылдамадық деген еді.

Нұрсұлтан Назарбаев халықаралық мәліметтер ресми тіркелген терроршыл ұйымдардың әлемде 500 екенін көрсетеді, дейді.

Экстремизге қарсы күрес туралы заң жобасына байланысты Ұлттық қауіпсіздік комитетіне хабарласқанымызда, осы мекеменің баспасөз қызметкері Ботагөз Ибрайымова аталған комитет төрағасы журналистерге берген сұхбатында экстремизм туралы заң жақын арада қабылдану мүмкін екендігін айтты, деді.

Парламент сенатының депутаты Ермек Жұмабаев, аталған мәселеге байланысты заңдарға өзгерістер енгізіп, жауапкершілікті қатайту керек деп есептейді.

Конституциялық кеңестің төрағасы Игорь Рогов, біз елімізде сақ болуымыз керек. Бізде мұндай жағдай ешқашан болмасын. Ол үшін мұндай құбылыстарға арнайы органдардың саяси партяилардың, қоғамның ерекше маңыз бергені дұрыс, дейді.

Бас прокурордың орынбасары Ілияс Бақтыбаев аталған мәселеде қосымша шараларды қолға алуымыз керек. Ең бастысы заң жүейсін түзеуіміз керек, дегенді айтып отыр.
XS
SM
MD
LG