Франция, Германия және Ұлы Британия егер Иран өзінің ядролық бағдарламасы төңірегіндегі дағдарысты реттемейтін болса, БҰҰ-ының оған қарсы жаза қолдануы мүмкін екенін ескертеді. Теһранның ядролық бағдарламасы атом энергиясы жөніндегі халықаралық агенттік – МАГАТЭ-нің Венадағы мәжілісінде талдану үстінде. Теһран өзінің ядролық ізденістері бейбіт мақсатты көздейді деп қасарысып, байытылған уран өндірісін қайта жалғастыратынын мәлімдеді және халықаралық инспекторлардың ядролық нысаналарын тексеруді қараша айында аяқтауын талап етуде.
