Бүгін АҚШ-тың Флорида штатындағы Корал-Гейблс қаласында президенттікке үміткерлер Дж.Буш пен Джон Керридің арасындағы телеайтыстың бірінші раунды өтеді. Демократиялық партиядан ұсынылған үміткер Дж.Керри мен Республикалық партияның үміткері әрі қазіргі президент Дж.Буш 1.5 сағат бойы сыртқы саясат мәселесі бойынша пікірталастыратын болады. Басты тақырып – Ирақ және терроризмге қарсы күрес болмақ. Телеайтыстың екінші раунды Миссури штатында 8 қазанда өтпекші. Ал дүниежүзілік экономика мәселелері сөз болатын үшіншісі раунд – 13 қазанда Аризона штатында болады.
