Иранның ресми баспасөз агенттігі хабарлағандай, байытылған уран өндірісін қоса алғанда, өзінің ядролық отын өндіру циклін толық жүзеге асыруға мүмкіндік берілгенде ғана Иран ядролық қаруды таратпау туралы келісім бойынша өз міндеттемелерін орындайды. Ресейдің сыртқы істер министрі Сергей Лавровпен Теһрандағы бас қосуынан кейін Иранның ядролық бағдарламасының жетекшісі Хассан Роухани, Иранның ақпарат агенттігінің хабарлауынша, осылай деп мәлімдеген. Атом энергиясы бойынша халықаралық агенттік – МАГАТЭ Ираннан өзінің ядролық мекемелері тексерілмейінше, одан байытылған уран өндірісін тоқтатуды талап еткен болатын.
