Бүгін арабтардың Al-Jazeera телеарнасы Шри-Ланка мен Бангладештен келген екі мәшине айдаушы мен оларды ұрлап алып кеткен Ирақ экстремистерінің бейнесюжетін көрсетті. Екеуі де Ирақтағы АҚШ армиясына жұмыс істеген. Ирақтағы экстремистер басқа да шетелдіктерді тұтқында кепілдікте ұстап отыр. Кеше тағы бір экстремистік топ поляк әйелін ұрлап алып кеткенін мәлімдеп, Польшадан Ирақтағы әскерін шығаруды талап етті. Экстремистердің тұтқынында отырған жапон азаматының тағдыры беймәлім. Экстремистер егер Токио Ирақтағы әскерін шығармайтын болса, әлгі тұтқынды 48 сағаттың ішінде, яғни сәрсенбіде өлтіретінін ескерткен болатын.
