БҰҰ-ының бас хатшысы Кофи Аннан әйелдердің ғасыр дерті – СПИД-ке қарсы күресін нағыз қаһармандық деп бағалады. СПИД-ке қарсы күрестің 1 желтоқсанда атап өтілетін дүниежүзілік күні қарсаңында жолдаған жылдық үндеуінде К.Аннан әйелдердің рөлін осылайша атап көрсетті. Баспасөз құралдарының мәліметтері бойынша, дүние жүзінде СПИД-ке шалдыққандардың тең жартысы әйелдер көрінеді. Бірақ әйелдер ол дертке көбінесе өз ықтиярынсыз душар болып отыр.
