Егер Теһран мен Брюссель арасындағы келіссөз нәтижесіз аяқталған күнде, ядролық бағдарлама мәселесі БҰҰ-ның қауіпсіздік Кеңесінің қарауына беріледі

Теһран өзінің ядролық бағдарламасының тағдыры бойынша Германия, Франция және Ұлы Британиямен Венада келіссөз өткізуде. Тараптардың уәжге келуіне Иранның уранды байытатын 20 қондырғысын сақтап қалу ниеті тежеу болып тұр. ЕуроОдақ елдері Ираннан уранды байыту өндірісін толық тоқтатуды талап етеді. Егер келіссөз нәтижесіз аяқталған күнде, ядролық бағдарлама мәселесі БҰҰ-ның қауіпсіздік Кеңесінің қарауына беріледі. Ертең бұл мәселе тағы да атом энергиясы бойынша халықаралық агенттік - МАГАТЭ-нің Венадағы мәжілісінде талданбақшы.