Бүгін ЕуроОдақтың сыртқы істер министрлері Израиль мен араб елдерінің сыртқы саясат министрлерімен келіссөз өткізуде. Еуропа мен Жерорта теңізі елдерінің осы форумы – Израиль мен араб елдерінің тұрақты түрде өзара диалог өткізетін жападан-жалғыз жиыны. ЕуроОдаққа төрағалық ететін Нидерландыда бүгін басталып, ертең жалғасатын жиында Палестина лидері Ясир Арафаттың дүние салуынан кейін Таяу Шығыстағы “Жол картасы” жоспары бойынша бейбіт келіссөзді қайта жалғастыру мүмкіндіктері қарастырылады деп күтілуде.
