Жексенбі күні Түркіменстанда парламент сайлауы болып өтті. Түркімен парламентіндегі депутаттық 50 орынға – осы елдегі жападан-жалғыз “Демократиялық партиядан” ұсынылған 131 үміткер дауысқа түсті. Ресми биліктің мәлімдеуінше, сайлау дауыс берушілердің айтарлықтай белсендігімен – барлық сайлаушының 77 пайызға жуығының қатысуымен өткен. Сайлауға шетелдік бақылаушылар жіберілмеді. Оның нәтижесі 10 күннен кейін жарияланады.
