Бразилия құрамасы мен “Барселонаның” шабуылшысы Рональдиньо - “Жыл футболшысы”.

Испанияның “Барселона” клубында өнер көрсететін және Бразилия құрамасының мүшесі шабуылшы Рональдиньо “Жыл футболшысы” болып танылды. Футбол ассоциацияларының халықаралық федерациясы – ФИФА кеше Цюрихте осындай шешім қабылдады. 24 жастағы шабуылшы Италияның “Милан” командасына ойнайтын Андрей Шевченко мен Ұлы Британияның “Арсенал” клубында өнер көрсететін францұз Тьери Анридан көп дауыс алып, жеңімпаз болып шықты.