К.Пауэлл: “Cудан үкіметі мен көтерілісшілердің өзара бітімге қол қоюы “тарихи” келісім

Cудан үкіметі мен көтерілісшілердің арасында бейбіт бітімге қол қойылуына АҚШ-тың мемлекеттік хатшысы Колин Пауэлл риазылығын білдіріп, оны “тарихи” келісім деп бағалады. Бұл бітімге жексенбі күні Кения астанасы – Найробиде Африка елдері лидерлерінің көзінше қол қойылды. АҚШ-тың мемлекеттік хатшысы Суданмен қарым-қатынасын оның Дарфур өлкесіндегі жанжал басылғанда ғана дамытады деп атап көрсетті. Бұл келісім Суданның солтүстігіндегі мұсылмандар мен оңтүстігіндегі христиандардың және өзге наным өкілдерінің арасында 20 жылға созылған азамат соғысты тоқтатуға тиіс.