Қырғызстан астанасында ұлттық сайлау комиссиясынан бұрынғы елшілер мен оппозиция лидерлерін алдағы парламент сайлауына жіберуін талап етіп 100-ге жуық адам наразылық шеруін өткізді. Шеруге шыққандардың арасында “Ата жұрт” партиясының тең төрағаларының бірі Роза Отынбаева, парламенттің бұрынғы спикері Медетхан Шерімқұлов, оппозициядан сайланған депутаттар мен үкіметтік емес ұйымдардың және өзге құрылымдардың өкілдері бар. Олар ақпан айындағы сайлауды әділ де заңға сәйкес өткізуді талап етіп, “Полиция – бізбен бірге! Ұлттық қауіпсіздік қызметі халық жағында! Ақаев – кетсін! -деп үндеу көтерді.
