С.Лавров (Ресей): “Сайлаудың заңға сай өткенін Ирақ халқының өзі бағалауға тиіс”.

Бүгін Мәскеуде өткізген баспасөз-маслихатында Ресейдің сыртқы істер министрі С.Лавров Кремльдің Иран, Ирақ және АҚШ-пен арадағы саясатымен таныстырып шықты. Оның айтуынша, Ирақтағы толастамай тұрған қантөгіс 30 қаңтарға тағайындалған парламент сайлауының ойдағыдай өтуіне бөгет болады, сондықтан ол сайлауды халықаралық стандартқа сай өтеді деп үміттенудің қисыны жоқ. Әйтсе де, деп ескертті Сергей Лавров, сайлаудың заңға сай өткенін, елдегі ахуалдың барлығын ескере отырып, бірінші кезекте Ирақ халқының өзі бағалауға тиіс.