Ниязовтың сол көзі аман қалып, талай қой сойылды

Түркіменстанда президент Сапармұрат Ниязовқа операция жақсы жасалғаны кеше ол елде кең көлемде тойланды. Ниязовтың сол көзіне операция сейсенбі күні Ашхабадта жасалды. Сыртқы істер министрлігі операцияның сәттілігіне Ниязовтың алып қуаты мен таудай оптимизмі септігін тигізді деп хабарлады. Ниязовқа ем қонуы бүкіл Түркіменстан мешіттерінде құдай тамақ берумен, құрбандық шалумен аталды. Мемлекет теледидары бұл салтанаттарды бірнеше сағат бойы көрсетті.