СТАМБУЛ. Бүгін Қазақстан президенті Н.Назарбаев бейресми сапармен Түркияға ұшып келді. Аты-жөнін атамаған ресми түрік өкілінің атап көрсетуінше, қазақ президенті Түркияға жеке басының шаруасымен келсе керек. Өйткені, Түркияның ресми тұлғаларымен арада ешбір кездесу немесе келіссөздер жоспарланбаған. Түріктердің Анадолы агенттігінің хабарлауынша, жекеменшік ұшақпен Түркияға ұшып келген президент Н.Назарбаевты суретке түсірмек болған фототілшілерге рұқсат берілмеген.
