БРЮССЕЛЬ: АҚШ қорғаныс министрінің орынбасары Пол Вулфовиц Дүниежүзілік банк президенті лауазымына ұсынылған үмітукер ретінде осы аптада Брюссельде Еуроодақ өкілімен кездесуге келісті. АҚШ қорғаныс министрінің орынбасары ретінде Ираққа қарсы соғыстың сәулетшісі болып саналатын және АҚШ-тың ғаламдық мүддесін қорғау үшін біржақты басымдықты пайдалану амалын ұсынған Пол Вулфовицті Дүниежүзілік банк басшылығына ұсынылуын Еурокомиссия онша қолдамады. Еуроодақ елдерінің көпшілігі Ирақтағы соғысқа үзілді-кесілді қарсы шыққан болатын.
