Accessibility links

Қырғызстан президентінің міндетін атқарушы И.Кәрімовтің пікірімен келіседі, ал Ресей президенті бүкіл Орта Азиядағы ахуалға қатты алаңдайды


БІШКЕК-ТАШКЕНТ. Бүгін Қырғызстан президентінің міндетін атқарушы Құрманбек Бәкиев Әндіжандағы бас көтеруді Исламның қайта өрлеу қозғалысы – Хизб-ут-Таһрир тобы ұйымдастырды деген Өзбекстан президенті И.Кәрімовтің пікірімен келісіп, көп адамның қазасына соқтырған көтеріліс үшін исламшыл топты айыптады. Бүгін Ташкентте өткізген баспасөз-маслихатында И.Кәрімов Хизб-ут-Таһрир тобын Әндіжандағы бас көтеруді ұйымдастыру арқылы Өзбекстан үкіметін құлатпақ болды деп айыптады. Штаб-пәтері Лондонда орналасқан бұл топ Әндіжандағы толқуға өзінің ешқандай қатысы жоқтығын мәлімдеді. Куәгерлер мен жергілікті адам құқын қорғаушылар Әндіжанда 200-ге жуық адам қаза болды деп мәлімдеп отыр. Ал И.Кәрімовтің айтуынша, ішкі істер министрілігі қызметкерлерімен бірге бас-аяғы 30-дай кісі құрбан болды. Бүгін Өзбекстан мен Ресей президенттері Әндіжандағы оқиғаны телефон арқылы өзара талдап, бүкіл Орта Азия аймағындағы ахуалға үлкен алаңдаушылық білдірісті.

AzattyqTV

30 наурыз

AzatNews

XS
SM
MD
LG