Accessibility links

Ауғанстанның бұрынғы дала қолбасшысының ісі Ұлыбританияда қаралуда


Ауғанстанның бұрынғы дала қолбасшыларының бірін Ұлыбритания соты Ауған жерінде адамдарды қинады, кепілдікке тұтқынға алды деп айыптады. Бұған байланысты үкім сейсенбі күні шығарылмақшы. 1991-1996-шы жылдары Сароби аймағындағы тұрғындарға қарсы тағылық әрекеттер жасады деп сол кездегі жеке армия басшысы Фарияди Зардадты прокурорлар айыптап отыр. Бұл айыптауларды 42 жастағы Зардад жоққа шығаруға тырысуда. Ол Британияға 1998-ші жылы баспана сұрап келіп, жеке пицца ресторан жұмысын жүргізіп тұрған кезінде 2002-ші жылы тұтқындалған еді. Бұл – шет елдегі адам хұқының тапталуына орай Британияда өткізіліп отырған алғашқы осындай сот ісі болмақшы. Куәгерлер сателлит байланысы арқылы куәлік беруде.
XS
SM
MD
LG