Ливанда жаңа үкімет құрылды

БЕЙРУТ. Ливан премьер-министрі Фоуад Синиора елде жаңа үкімет құрды. Бұл Сирия Ливаннан әскерлерін шығарған соң алғашқы үкімет болып отыр. Сирияны қолдайтын президент Эмиль Лахуд 24-мүшеден құрылған жаңа үкіметті мақұлдады. Партизандық “Хезболла” топтың мүшесі алғашқы рет министр болып тағайындалды. Ливанның жаңа министрлері Сирияның Ливандағы әскерлеріне қарсы шыққан-ды. Сирия 29-жылдан кейін өзінің Ливандағы әскерлерін осы жылдың сәуір айында шығарған болатын.