Шри-Ланканың сыртқы істер министріне қарсы қастандықты тамил бүлікшілері ұйымдастырған сияқты

КОЛОМБО. Бүгін Шри-Ланканың сыртқы істер министрі әрі президенттің жақын көмекшісі болған тұлға қастандықпен өлтірілгеннен кейін бүкіл елге төтенше жағдай орнатылды. Лакшман Кадирмагар – ел астанасы Коломба қаласында кеше күн батқанда белгісіз бір мергеннің оғынан қаза болды. Шри-Ланка армиясындағы ақпарат көзінің хабарлауынша, бұл қастандық бойынша ең басты күдік Шри-Ланкадағы тамил бүлікшілеріне түсіп отыр. БҰҰ-ының Бас хатшысы К.Аннан бұл кісі өлтірген қылмысқа наразылығын білдіріп, оған “қатты шошынып, қапаланғанын” атап көрсетті.