Украинаның арнайы құрылған комиссиясы журналист Георгий Гонгадзені ұрлауды бұрынғы елбасы Леонид Кучма ұйымдастырған деп отыр

Комиссия сондай-ақ Парламент төрағасы Володимир Литвинді осы кісі ұрлауға ықпал еткен деп айыптауда. Литвин 2000 жылы Гонгадзе ұрланған кезде елбасы әкімшілігінің басшысы болатын. Журналистің өлімін зерттеуге орай құрылған комиссия басшысы Григорий Омелченконың бұл мәлімдемесін Литвин “арандату” деп бағалады. Кучма, Литвин және басқа да ресми тұлғаларға қарсы қылмыстық істің қозғалуына комиссия кеңес беруде. Бұл мәліметтерді Парламент талқылауы тиіс.