Ресей үкіметі ғарыш зымырандарынан жапа шегетін өз аймақтарына бет бұрды

"Роскосмос" мемлекеттік агенттігі зымыран қалдықтарын тастайтын зияны үшін Алтай өлкесінің үш ауданына берілетін өтемақыны бес есе көбейтетін болды. Ресей ғарыш зымырандары көршілес Қазақстаннан, Байқоңырдан ұшатыны аян. "Роскосмос" мемлекеттік агенттігі Ресей Федерациясының құрамындағы жеке аймақпен осындай келісімді тұңғыш рет жасап отыр. Жергілікті тұрғындардың денсаулығын тексеру шығындары да, экологиялық бақылау жұмысы да "Роскосмос" агенттігі тарапынан өтелетін болды.