Швейцария үкіметі ұстап берген Ресейдің бұрынғы атом энергетика министрі Евгений Адамов бүгін Мәскеуге әкелінді. Евгений Адамов Ресей үкіметі тарапынан да, АҚШ үкіметі тарапынан да айыпталған, 17 миллион долларды талан-таражға салған деп айтылады. Бұл ақшаны америкалық үкімет Ресей ядролық кәсіпорындарының қауіпсіздігін арттыруға берген. 17 миллион доллар 1998-2001 жылдары аралығында желінген делінеді. Адамовты беріңдер деп Швейцариядан АҚШ үкіметі де сұраған болатын. Адамовтың адвокаттары ол заңсыз тұтқындалды, мәселе жайында Страсбург қаласындағы еуропалық сотқа шағымдануға ниетіміз бар деді.