Палестиндықтар бүгін соңғы ондаған жылда алғаш рет Парламенттік сайлауда дауыс бермек. Әзірше жауынгер бүлікшіл топтардың өзі де сайлау кезінде бұзықшылыққа бармаймыз деп уәде етіп отыр. Ал Палестина жетекшісі Махмұд Аббас сайлаудан кейін жауынгер «Хамас» тобымен өзара ынтымақтастық байланыс жөнінде пікір алмасамыз деген шешімге келген. Әзірше екі жақ та жеңістен үміткер. Израил «Хамас» саясатшыларымен сөйлеспейміз десе, АҚШ егер «Хамас» тобы бұл Парламенттік сайлауда жеңіске жетсе, онда Палестина елі қауіп астында қалады дейді.
