Жанкешті біреу Ауғанстанның бақылау бекетінде жарылыс жасады

Ауған Қорғаныс министрлігінің айтуынша, оның кесірінен сол адамның өзі, үш солдат және қарапайым бір азамат қаза болған. Сондай-ақ тағы үш солдат жараланған екен. Бұл оқиға Хост аймағында сәрсенбі күні болды. Аталған шабуыл үшін жауапкершілікті «Талибан» жауынгерлері өз мойнына алып отыр. Соңғы айларда Ауғанстанда орын алған жанкештілік әрекеттердің көпшілігін талибандықтар “біз жүзеге асырдық” деп мәлімдеп келеді.