Бүгін Әзірбайжанның Нардаран елді мекенінде жергілікті тұрғындарды қамаудан босатсын деген талаппен наразылық шеруі өтті

Қамаудағылар полицияға қарсы шабуылдады деген айыппен ұсталған. 25 қаңтарда Бакудің маңындағы Нардаран ауылында жергілікті тұрғындар мен полиция арасында атыс болып, екі полиция және бір тұрғын қаза болған. Осы оқиғаға қатысқан бірнеше тұрғын қамуға алынған. Жергілікті тұрғындардың айтуынша, ол текетіреске ішімдік ішіп алған полиция өкілдері кінәлі, және олар бірінші болып оқ атқан. Ал, билік оны кәдімгі қылмыстық іс деп бағалап отыр.