РИМ. Бүгін Италияның сайлаушылары парламент сайлауының екінші әрі шешуші күні дауыс береді. Сайлаудың кешегі бірінші күнінде 47 млн. сайлаушының шамамен 66 пайызы дауыс берді. Премьер-министр Сильвио Берлускони бастаған оңшыл-центристік үкімет пен солшыл-центрист Романо Проди бастаған оппозиция шамамен тең дауыс жинайтын тәрізді. Осыдан 2 апта бұрын өткізілген жаңа сауалнама Романо Продидің сәл алда келе жатқанын көрсеткен болатын. С.Берлусконидің осыдан 5 жыл бұрын жасақталған үкіметі - Италияның 2-нші дүниежүзілік соғыстан бері ең ұзақ отырған үкіметі болды. Бірақ осы уақыттың ішінде Еуропаның ең ірі 4-інші экономикасы болып табылатын Италия экономикасы үнемі өсіп келді.