АҚШ президенті Джордж Буштың Орталық Барлау Агенттігінің директоры Портер Госсқа деген сенімі жоғалды, сол үшін Госс қызметінен кетті деген хабарларды Ақ Үй жоққа шығарды. Бұл хабарлар шындыққа жанаспайды, деді Ақ Үй өкілі Дана Перино. Оның айтуынша, Госс лаңкестікке күресте маңызды роль атқарған. Гостың отставкасы жөнінде президент Буш пен Гостың өзі әзірше түсініктеме бермеді. Портер Госс Орталық Барлау Агенттігін екі жылға жуық уақыт басқарған болатын.
