Квартет Палестина халқына тікелей көмек көрсетуге келісті

Мұндағы ерекшелік – қаржы көмегі "Хамас" партиясы басқаратын Палестина үкіметі арқылы емес, Палестина тұрғындарына тікелей көрсетілмек. Квартет тобына қатысып отырған БҰҰ, АҚШ, Еуропа Одағы және Ресей келісімге 9 мамыр күні Нью-Йоркте қол жеткізді. Дүниежүзілік банк Палестинадағы қоғамдық қызметкерлерге шетел көмегінің арқасында төленіп отырған жалақы қайтадан берілмесе Палестина халқы қоғамдық тәртіптің бұзылуына тап болады деп ескерткен.