Иранның “ядролық мәселесі” бойынша Мәскеу мен Теһранның келіссөзі жалғасады

ТЕҺРАН. Кеше Теһран қаласында Ресей мен Иран өзара соңғысының ядролық бағдарламасы бойынша келіссөзін аяқтап, тараптар дағдарысты бейбіт жолмен шешу үшін келіссөзді әрі қарай жалғастыруға келісті. Ресейдің ұлттық қауіпсіздік кеңесінің хатшысы И.Иванов пен Иранның мәртебелі өкілі Әли Лариджанидің келіссөзі 5 сағаттан да ұзақ жалғасты. Иранның ұлттық қауіпсіздік кеңесінің таратқан хабарына қарағанда, тараптар Иранның “ядролық мәселесін” дипломатиялық жолмен шешілгенін қалап, өзара келіссөзін жалғастыра береді. Ресей – БҰҰ-ының Қауіпсіздік Кеңесінің Иранға жаза қолдану туралы Қарар қабылдауына түбегейлі қарсы.